Assalamualaikum phon ulon kheun

    Ulon meujangeun dengan syedara

    Peu keuh haba wahe ee adun

    Bek duk melamun lon takot han kaya

    Bacut neuk peugah wahe ee adun

    Tentang peutemun ulon neuk calitra

    Masalah cinta ulon neuk surah 

    Ngat bek bermasalah lam rumoh tangga

   Beuleuheun - leuheun wate neupileh

   Keu sidro gaseh hudep lam donya 

   Lon takot singeh teulah ngen peudeh 

   Oh neu meugaseh lam rumoh tangga

   Nyan peuteumun wahe e wareh 

   Ureung yang peugleh masa depan gata

   Meunye salah bak neupileh 

   Ka tente lam lungkik binteh meusige ngen ija

  Neu lirik lirik oh neu meugaseh

  Neu pileh pileh oh neu meu cinta

  Bek neu sangka ureng puteh gleh 

  Kdang chit gleh cuma di lua

  Kon ureng inong kon ureng agam

  Ulon peu saban gata ban dua

  Bek neu sangka muka tari

  Kadang budi pekerti han meupat punca

  Meunye bak phon chit mameh dan suci 

  Sang sang ie tahu rasa ie saka

  Tetapi singeh ban kajeut keu ummi 

   Keu gata hai abi geukheun buaya

  Ulon meuteu 'oh bacut keu abi

  Nyan di umi beuget neujaga

  Bek wate uro gadoh meurumpi

  Bak panteu chik mi sideh pos jaga

  Beu tathe dro tanyo hai abi 

  Nyan di umi ma si dara 

  Neu jaga akhlak ka deungan budi

  Beu jeut keu istri yang soleha

  Meunan chit droneuh wahe ee umi 

  Nyan suami beuna neu kira

  Neu jaga tuto ngen basa basi

  Ngen suami bek darohaka

   Kasep keuh oh no ulon peurawon

   Jino ulon tren nibak artikel media

   Meupat na salah haba ulon kheun 

   Beuna neu maklum lon manteng peulajar

   Assalamualaikum jino ulon kheun

   Lon top ngen saleum wahe sodara

   Kadang na teupeh wahe ee adun 

   Meuah ulon kheun nibak syedara